Corvera

Poll without page-refresh

Article on other languages:

	del.icio.us
	Digg
	Furl
	Reddit
	Rojo
	Add to OnlyWire

Corvera


Bandera de Corvera	Escudu de Corvera

Mapes:

Asturies

Nome en castellanu

Corvera de Asturias

Corveranu, -a, -o

España

Avilés

Población (2007)
-Habitantes
-Densidá
-% d'Asturies

Puestu: 10
15.723 habitantes
349,4 hab/km²
1,46 %

Superficie
-Total
-% d'Asturies

Puestu: 62
46,01 km²
0,42 %

Mayor altitú

Prieto, 366 m

Códigu postal

33404 (Los Campos y Les Vegues); 33416 (y otros) restu conceyu

Alcalde

Luis Belarmino Moro (USPC)

http://www.ayto-corvera.es/

Casa'l conceyu

Corvera ye un conceyu d'Asturies.

Xeografía

Llenda al norte con Avilés y Gozón, al este con Carreño y Xixón, al sur con Llanera y Illas y al oeste con Castrillón. Forma parte de la Cormarca d'Aviles xunto colos conceyos d'Avilés, Gozón Illas y Castrillón.

Demografía

La población de Corvera medró asgaya al instalase en Tresona la planta de procesau del aceru Ensidesa (aguañu Arcelor), pola demanda de trabayadores para cubrir los puestos de trabayu.

Historia

La historia de Corvera entama nel sieglu XVI al independizase del conceyu d'Avilés. Pa ver información anterior a esa época vea la historia d'Avilés.

Nel sieglu XIII l'alfoz de Gauzón pasa a ser conceyu d'Avilés cola mesma distribución xeográfica. Anque Corvera ya apaez como conceyu nel sieglu XIII nun llogra independizase de la villa avilesina teniendo que pagar tributu de 660 maravedís pa poder esfrutar del Fueru d'Avilés. Ye nel sieglu XVI cuando apaez el primer conceyu d'habitantes de Corvera, celébranse nel pueblu Cancienes siendo a mediaos del XVII cuando se traslada la casa'l conceyu a la Casa de los Bango en Nubleo (tamién na parroquia de Cancienes), anque hasta finales del sieglu XVIII nun veremos ordenances nel conceyu.

A pesar de la tardía formación del conceyu, Corvera ya cuntaba con representación na Xunta Xeneral del Principáu d'Asturies con dos diputaos dende'l sieglu XV.

Hasta los últimos años del sieglu XIX la principal actividá del conceyu yera l'agricultura, dirixida principalmente a abastecer a la villa d'Avilés y a la exportación a la Bretaña francesa, principalmente al puertu de Brest (les embarcaciones salíen de Tresona pa evitar el pago de tributos forales a Avilés).

Durante estos sieglos la población de Corvera pasa por époques de fame debíu a guerres y enfermedaes pero tamién por males coseches, a fines del sieglu XIX se sabe que había una Ferrería en Tresona, una cobrería en Cancienes y canteres. A pesar d'estes pequeñes industries, gran parte de población viose obligada a emigrar a Cuba o a México.

Ye na metada del sieglu XX, depués de sufrir les consecuencies de la Revolución Minera d'Asturies en 1934 y de la Guerra Civil Española (1936-1939) cuando produzse el gran cambiu de Corvera cola implantación de la siderurxica ENSIDESA, güey ARCELOR, en Tresona. El conceyu pasa de ser emigrante a recibir xente de Galicia, Castiella, Lleón, Andalucía y en menor midía d'Estremadura. Tala fue la masiva venida de trabayadores foriatos que'l conceyu viose desbordáu, llegando a alquilar paneres y horros a delles persones compartiendo les cames por turnos pa poder dormir.

Más alantre llegaríen otres industries como Fertiberia y centros d'ociu y comerciales (tamién ubicaos en Tresona), siendo estes industries les que xeneren cuasi toos los ingresos a les arques municipales.

Anguañu el conceyu de Corvera sigue supeditáu (o integráu) a Avilés, siendo Tresona, Les Vegues y Los Campos parte de la conurbación d'Avilés

Política

Eleiciones 2007

17 conceyales:

7 del USPC
5 del PSOE (Alcalde: José Luis Vega Álvarez)
3 del PP
2 de IX-BA-LVA

Nun primer momentu l'alcaldía yera pal PSOE, en coalición con IX-BA-LVGP. Na eleición recibió apoyu de 2 de los 3 conceyales del PP, pero el 21 d'Agostu de 2008, pasa a manes d'USPC nuna moción de censura apoyada pol PP. Volviendo a ser alcalde Luis Belarmino Moro.

Eleiciones 2003

17 conceyales:

7 del USPC (Alcalde: Luis Belarmino Moro Suárez)
3 de IX - BA
3 del PSOE
3 del PP
1 de URAS

L'alcaldía correspondió a USPC, en coalición col PP.

Eleiciones 1999

17 conceyales:

8 del PSOE (Alcalde: Severino Zapico González)
4 del PP
3 de IX
2 de URAS

L'alcaldía correspondió a PSOE, en coalición con URAS.

Economía

**Emplegaos nos diversos sectores económicos (añu 2006)**
	Númberu de trabayadores	Tantu por cientu
TOTAL	5.488	100
Agricultura, ganadería y pesca	131	2,39
Industria	1.844	33,60
Construcción	706	12,86
Servicios	2.807	51,15
* Datos tomaos del Anuariu Estadísticu d'Asturies 2006, SADEI

**Usos del suelu del conceyu (añu 2006)**
Usu	Superficie (km²)
Tierres de llabrantíu	1,59
Praderíes	16,74
Terrenu forestal	15,40
Otros usos (industrial, residencial, tierra ermo...)	12,28
* Datos tomaos del Anuariu Estadísticu d'Asturies 2006, SADEI

Deportes

Corvera ye un referente pal piragüismu nacional, y en menos midía pal remu, gracies al Centru d'Altu Rendimientu de Tresona, onde celébrase campeonatos nacionales y internacionales.