Islandia

Lýðveldið Ísland

Bandera d'Islandia Escudu d'Islandia
Lema nacional: nun tien
Himnu nacional: Lofsöngur
Capital  • Población  • Coordenaes	Reykjavík 296,737 (2005) 64°08' N 21° 56' E
Principal ciudá	Reykjavík
Idiomes oficiales	Islandés
Forma de gobiernu Presidente Primer ministru	República Ólafur Ragnar Grímsson Halldór Ásgrímsson
Independencia  • Fecha	De Dinamarca 17 de xunu de 1944
Superficie  • Total  • % agua Llendes Costes	Puestu 105u 103,125 km² 2.70 0 km 4.988 km
Población  • Total  • Densidá	Puestu 169u 293.291 (2004) 2,84 hab./km²
PIB  • Total (2005)  • PIB per cápita	Puestu 137u US$ 10.548 millones US$ 35.686
Moneda	Króna islandesa (ISK)
Xentiliciu	Islandés, islandesa
Fusu horariu  • en branu	CEST (UTC+0) CEST (UTC+0)
Dominiu Internet	.is
Códigu telefónicu	+354
Prefixu radiofónicu	TFA-TFZ
Códigu ISO	352 / ISL / IS
Miembru de: OTAN, ONU, OCDE, OSCE, Conseyu Nórdicu.

La República d'Islandia, (Lýðveldið Ísland), ye un estáu insular que forma parte d'Europa y que s'alcuentra nel norte del océanu Atlánticu, cerca del círculu polar árticu.

Historia

Islandia foi colonizada per primer vegada por inmigrantes noruegos y celtes (escoceses y irlandeses) a lo cabero del sieglu IX y nel sieglu X. Tien el parllamentu activu más antiguu del mundiu, el Alþingi, establecíu en 930.

Islandia foi independiente durante más de 300 años, dempués d'esto foi gobernada por Noruega y Dinamarca, formalmente como una colonia de la corona noruega dica 1814, añu nel que se dixebraron los reinos xuníos de Dinamarca y Noruega pol tratáu de Kiel, y Islandia convirtióse nuna dependencia danesa.

La erupción del volcán Askja en 1875 estrozó la economía d'Islandia y causó una fame xeneral. En casique un cuartu de sieglu, el 20% de la población emigró, especialmente pa Canadá y los Estaos Xuníos.

El gobiernu danés otorgó-y un gráu allendáu d'autonomía en 1874, y una independencia y soberanía sobro asuntos internos asemeyaes a les d'un protectoráu en 1874. Les rellaciones esteriores y la defensa siguieron baxo l'autoridá de Dinamarca y el rei d'esti país siguió siendo'l soberanu d'Islandia fasta 1944, añu nel que se fundó la República d'Islandia que conocemos anguaño.

Xeografía

S'atopa nel norte d'Europa, ye una islla ente'l Mar de Groenlandia y l'Océanu Atlánticu Norte, al noroeste del Reinu Xuníu. Islandia nun ye'l país más septentrional de los países nórdicos, hai rexones de Noruega, Suecia y Finlandia que tán más al norte. Ensín embargu, la capital, Reykjavík ("La bahía de fumu") ye la capital estatal más norteña del mundiu.

center|Mapa d'Islandia

Coordenaes xeográfiques: 65.00 N, 18.00 O.

Area:
Total: 103.125 km²
Agua: 2.750 km²
Tierra: 100.250 km²

Llínia de costa: 4.988 km.

Llende marítima:
Plataforma continental: 200 millas marinas (MM)
Mar territorial: 12 MM
Zona económica esclusiva: 200 MM

Wikimedia Commons tien archivos rellacionaos con:

Islandia